Daar is geen verskil tussen “bemiddeling” en “mediasie” nie. 

“Bemiddeling” en “mediasie” is dieselfde ding. 

Bemiddeling is ‘n proses.

Die doel van bemiddeling is om geskille (dispute) en konflik op te los.

Dit is ‘n proses van onderhandeling.

Die partye word in hierdie onderhandelingsproses gehelp deur ‘n bemiddelaar (mediator).

Die bemiddelaar (mediator) is ‘n onafhanklike persoon.

Die bemiddelaar (mediator) maak van sekere tegnieke gebruik tydens die onderhandelingsproses.

Die doel is om ‘n skikking te fasiliteer.

Dit beteken die partye, met hulp van die bemiddelaar, kom self tot ‘n gevolgtrekking en ‘n besluit. 

Die bemiddelaar maak geen besluit, bevel of bevinding nie. Die bemiddelaar gee ook nie enige uitspraak nie.

As die partye skik, stel die bemiddelaar ‘n skikkingsooreenkoms op wat deur die partye geteken word.

Die skikkingsooreenkoms is afdwingbaar in ‘n hof.

As skikking nie bereik word nie, reik die bemiddelaar ‘n sertifikaat uit van “Geen skikking”.